ამერიკის ვიზა

მგზავრობა: ავიაბილეთების ფასები შეიძლება მნიშვნელოვნად განსხვავდებოდეს გამგზავრების თარიღის, ავიაკომპანიის და სეზონის მიხედვით. საშუალო ფასი 600-1200 USD ფარგლებში მერყეობს. დღესასწაულების პერიოდში, მაგალითად შობის დღეებში ფრენის ბილეთების ფასი მაღალია,რადგან მოთხოვნა ძალიან გაზრდილია. ასევე შტატი რაც უფრო მოშორებით არის საქართველოდან და ამერიკის ცენტრალური აეროპორტებიდან, ბილეთის საბოლოო ღირებულებაც მაღალია.

ვიზა: აშშ-ის ტერიტორიაზე შესასვლელად საქართველოს მოქალაქეებს ვიზა სჭირდებათ. მნიშვნელოვანია, რა მიზნით და შესაბამისად, რომელი კატეგორიის ვიზით აპირებთ გამგზავრებას, რადგან ვიზის ფასი კატეგორიების მიხედვით განსხვავდება. არასაიმიგრაციო ვიზების ფასი 185-315 აშშ დოლარის ფარგლებში მერყეობს. რაც შეეხება, საიმიგრაციო ვიზებს, საშუალო ფასია USD 325-345. 

დაბინავება: საცხოვრებლის ფასები ძალიან განსხვავდება შტატის, ქალაქის, დასახლების და საცხოვრებლის ტიპის მიხედვით. ეს შეიძლება იყოს ბინა, სახლი, საერთო საცხოვრებელი, სტუდენტური საერთო საცხოვრებელი, სასტუმრო და ა.შ. მაგალითად, ნიუ-იორკში თუ ბინას იქირავებთ დღიურად airbnb-ზე, ერთი ღამის ფასი მერყეობს 100-200$ის ფარგლებში. თუკი, მხოლოდ ოთახს იქირავებთ დაახლოებით $40-100 საკმარისი იქნება, დამოკიდებულია ბინის მდებარეობაზე, მდგომარეობაზე და ა.შ. რაც შეეხება სასტუმროებს, ნიუ იორკში  3-4 ვარსკვლავიანი სასტუმროების ფასი $200-300 ფარგლებშია, უფრო მაღალი დონის სასტუმროების ფასი კი 400-600 აშშ დოლარის ფარგლებში შეიძლება მერყეობდეს. 

საკვები: საკვებზე ხარჯები დამოკიდებულია შტატზე, თქვენს პირად მოთხოვნებზე და იმაზე, თუ სად იკვებებით (რესტორანში, სწრაფი კვების ობიექტებში თუ სახლში).   საკვებზე ფასები ყველაზე ხელმისაწვდომია ისეთ შტატებში, როგორიცაა: მისისიპი, ალაბამა, ტექსასი და ა.შ. თვის მანძილზე ერთი ადამიანი საშუალოდ 300$ ხარჯავს საკვებზე. გაცილებით ძვირი ღირს კვება შემდეგ შტატებში: კალიფორნია, ნიუ-იორკი, ჰავაი და ა.შ. ამ შტატებში საშუალოდ ერთი ადამიანი 500-600 აშშ დოლარს ხარჯავს თვის მანძილზე კვებაზე, მათ შორის სუპერმარკეტებში, ბაზარში და რესტორნებში. 

ტრანსპორტი: ამერიკაში გადაადგილების მიზნით მანქანის შეძენის შემთხვევაში, მოგიწევთ გაითვალისწინოთ საწვავის ფასი, მანქანის დაზღვევა და მოვლა. თუ ისარგებლებთ საზოგადოებრივი ტრანსპორტით, გასათვალისწინებელია მგზავრობის საფასური, თუმცა ბევრ შტატში საზოგადოებრივი ტრანსპორტის სისტემა გამართული არაა. მაგალითად, ნიუ-იორკში, პენსილვანიაში, ორეგონში და სხვა შტატებში საზოგადოებრივი ტრანსპორტი ნორმალურად ფუნქციონირებს და თვის მანძილზე დაახლოებით 100 აშშ დოლარი საკმარისი იქნება გადასაადგილებლად. იმ შემთხვევაში, თუ თქვენს შტატში საზოგადოებრივი ტრანსპორტი ხელმისაწვდომი არაა, ან უბრალოდ თქვენი სურვილია რომ ავტომობილით გადაადგილდეთ, თქვენი ხარჯი დაახლოებით 600-1200 აშშ დოლარი იქნება, რაც მოიცავს ლიზინგს, დაზღვევას, საწვავს და პარკინგს. 

ჯანმრთელობის დაზღვევა: აშშ-ში სამედიცინო მომსახურება ძალიან ძვირი ჯდება, ამიტომ ჯანმრთელობის დაზღვევა აუცილებელია. გასათვალისწინებელია ჯანმრთელობის დაზღვევისა და სხვა მასთან დაკავშირებული ხარჯები. ამერიკის შეერთებულ შტატებში ძირითად კერძო სადაზღვევო კომპანიები ფუნქციონირებს, მათ შორის ყველაზე ცნობილია: UnitedHealthcare (UHC), Aetna, Humana და ა.შ. თუკი თქვენი დამსაქმებელი გთავაზობთ ჯანმრთელობის დაზღვევის სერვისს, ის სავარაუდოდ ხარჯის ნახევარს დაფარავს, თქვენ კი დაახლოებით 500-700 აშშ დოლარს გადაიხდით. 

სხვა ხარჯები: კომუნალური ხარჯები, ტელეფონი, ინტერნეტი, გართობა, პირადი ჰიგიენის საშუალებები და ა.შ. 

ყველა ამ დეტალის გათვალისწინებით საერთო ხარჯი შეიძლება მერყეობდეს $4,000-$10,000. საბოლოო ხარჯი დამოკიდებულია ზემოთ ხსენებულ ბევრ ფაქტორზე.

ზემოთ გაწერილი ხარჯების მიუხედავად, ყველაზე დიდი რისკი არის ვიზაზე უარი. თუ გსურთ უარის რისკის შემცირება და სრული სავიზო მომსახურების შეკვეთა, დაუყოვნებლივ დაგვიკავშირდით.